*فیکرت صادق
قورخورسان...
دره‌دن دانیشیرام قورخورسان
"دره‌نین دومانی وار, سئلی وار"
داغدان دانیشیرام قورخورسان
" داغین اوچورومی وار , قاری وار"
دره بیر یانا,
داغ بیر یانا,
یاشایشداندا دانیشیرام قورخورسان
اؤزون بیل , قارداش!
آمما آغیر درد دیر قورخوب یاشاماق!
*عقیل آذردخت
دیل ...
دیل وارلیق هویتدی بونی دویمالییق بیز
ناموسدی بلی, ناموسا جان وئر‌ملییق بیز
رنگین دئیشیب دیل ساتانین ارزشی اولماز
بنزر کسیلن بیر خولا دای کؤک سالا بیلمز
هر کیمسه دیلین آتسا دینینده آتاجاقدیر
ناموسسوز اولوب خوار اولاجاقدیر , باتاجاقدیر
دیل ناموسوم ائل غیرتیم اولکم شرفیمدیر
هر تک تکینه وئرمگه جانیم هدفیمدیر
* ح.م.ساوالان
نییه منه پان دئدین؟
من دیلیمدن دانیشدیم
اونو منه دان دئدین
من ائلیم‌دن دانیشدیم
من جواب قان دئدین
آرخاندا من دایاندیم
اؤزگه‌لره جان دئدین
سوردوم چارا دردیمه
درمان اوچون یان دئدین
حاق سؤز دئمک ایسته‌دیم
خوروز کیمی بان دئدین
سئودیم آخیر یوردومو
نیه منه پان دئدین؟
*پروفسور حمید نطقی
کیملیگیم...
هله ده آدیمی چکه‌بیلمیرم
هله‌ده کیملیگیم
قیرخ قات بو‌خچادا
اووسونلارلا دویونلو
گیزلین ساخلانیر
هله ده قارداشیم برکه‌دوشنده
اؤزوندن اوتانیر
اصلینی دانیر!!
*عاشیق اولدوز
توت الیمدن آپارمنی تبریزه ....
قسمت اولوب بو گون قوناق گلمیشم ,
توت الیمدن آپار منی تبریزه
بو گوروش, بو میثال گلمه‌سین بیزه
توت الیمدن آپار منی تبریزه
آیلا چیخیم گون‌له شفق ساچیم
دورنا کیمین ائلدن- ائله اوچوم
ده ده شهریاردان صحبت آچیم من
توت الیمدن آپار منی تبریزه
لپه‌له نیم آرازی ایله آخیم من
قارتال اولوم ساوالاندان باخیم من
هیجران قالاسینی سوکوم ییخیم من
توت الیمدن آپار منی تبریزه عینی دیلده اؤتن دیللریمیز وار
آراز لا بیر له‌شن سئللریمیز وار
تبریز له باکی تک ائللریمیز وار
توت الیمدن آپار منی تبریزه
" اولدوز" دیله‌ر هئچ‌کس ائلدن کؤچمه‌سین
بیرجه قوش‌دا یووواسیندان اوچما‌سین
اوغلوم, قیزیم یادلارا ال آچماسین
توت الیمدن آپار منی تبریزه
* پروفسور صبری تبریزی
منلیگیم...
گون منیم
دریا منیم
تامام دونیالار منیم.
آمما گونومو آلدیلار
آیی مندن آیری سالدیلار
دریانی‌دا
دونیانی دا قوپاردیلار
چون آنادیلیمی آلدیلار
آمما گونو, آیی, دریالاری
تامام دونیالاری
روحومدا یاراتدیم
محبسه سالینمیش دیلیمی
آزاد اولماق اوچون یاشاتدیم.
سهراب طاهیر
گئدیرم...
بیر آخشام سن منى قوناق ساخلادین
یارامى یارانلا یویوب باغلادین
منیم گؤزلریمله بعضن آغلادین
قویمادین گؤزلریم دولا قارداشیم
تویونا گلمیشم٬ هر یئر خونچادیر
بوش الیم بوکولموش٬ قانلى غونچادیر
بیرجه اوره ییم وار٬ پارچا پارچادیر
او سنه چاتاجاق٬ آلا! قارداشیم.
اوره ییم شیشه دیر٬ اوره ییم حلیم
کیم اونو ایکی یه بؤلدو٬ نه بیلیم
آل٬ او چیلیک چیلیک٬ او دیلیم دیلیم
اونو بیر بیرینه جالا٬ قارداشیم!
دره لر کئچه ره م٬ داغلار کئچه ره م
اؤزومه آلوودان پالتار بیچه ره م
ظولمتى اریدیب سئل سئل ایچه ره م
قویمارام ائل داردا قالا٬ قارداشیم
من سؤهراب طاهیرم٬ نه لازیم اؤیود؟
بیرجه اوغلوم قالیب٬ اونو سن بؤیود!
گئدیره م جبهه یه٬ سیلاحیم اومید
قالماییم قارداشدان دالا٬ قارداشیم
سلام وبلاگ خیلی قشنگی داری لطفا به ما هم سر بزن.منتظرم
سلام بئی
منده سیزی لینک ائتدیم
سلاملار...چوخ دییرلی وئبلاگیز وار...
یاشا ساغ اول
چؤخ یاشا منیم عزیز آرکاداشیم
سلام منیم عزیز دیلداش و همشهریم من بیر ماراغالییام کی بو ویبلاگا باش ووردوم ایر قابل بیلسن منیمده ویبلاگیما باش وور
من سنی لینک ائدیرم سنده قابل بیلسن لینک ائت
سلام
چوخ گوزلدی شعرلر
ساغ اولون