وئرمیشم طاقتیمی صبریمی ای یار سنه
سئویرم بزم اولا خلوت قویاسان من ائلییم
غمیمی محنتیمی دردیمی ایظهار سنه
گزرم کوچه و بازاری دالین جان سوخارام
پیچاغی قارنینا هر کس ائده آزار سنه
ایستی وقتینده سویونسان سالارام تئز ایچینه
کاسه نین بوز وئره رم شربت گلنار سنه
نیه اوجوندا سیخیرسان ، ازیسن ، سیندیریسان
نئیله ییب آخ بو یازیخ قلب وفادار سنه
سن ییخیل بالش ناز اوسته اوزان منده چالیم
ضرب و قارمان و کمانچه ، ویولن ، تار سنه
ایمه ، شاخ ساخلا یانوندا ، باخوب ، اوپ قوی گؤزونه
بو گوزل عکسی کی مندن قالیر آثار سنه
دوگمه سین آچ آرالا ، ساخلا قویوم اورتاسینا
آلمیشام ساک دولوسی ، حیوا ، لیمو ، نار سنه
نییه « ویه ویه » دییسن اینجیدیری قوی چیخادیم
سیخسا باشماغ ایاقون اولسا اگر دار سنه
دؤز بیر آز بندین آچیم تا وئریم الان الیوه
چتریوی وئرمیه زحمت ، بو یاغیش قار سنه
گله سن باغدا وئرم بیر الیوه اویناداسان
قیرمیزی آلما ، شمامه گولی بی خار سنه
گل اوتی دیممه دانیشما نئجه توتسان گئچه جک
دئمه خاطیر قویاجاخ چرخ جفاکار سنه
گل اوتی قوزا قیچین گیدیریم ای یار عزیز
قره دون آبی بولوز قیرمیزی شالوار سنه
احتراماً دایارام آغزینا تا سن سوراسان
سولی قلیانی ، تا کریمی دئیه اشعار سنه
استاد کریمی مراغه ای(ماراغانین طنز دئین شاعیری)
سلام شعر جالبی است
چوخ گوزل . چوخ ماراخلی .
چوخ گوزلیدی...ساغولون!
یاشاسین کریمی خان .واقعا اعجوبه هست اقای کریمی.افتخار جهان ترک واذربایجان وایران .دست بوسم اقای کریمی
باسلام و خسته نباشید
بنده این شعرو قبلا یه جایی خونده بودم که بیت اولش بود
دور آیاقا چک آشاقا نازیله ای دیلبر من
پرده نی گون دوشوب قشلارما اوزانمشام