مـــاراغــــا آذربایجانین پارلاق اؤلدوزو
ّبؤ وبلاگدا ماراغا و آذربایجان حاقیندا بیلگیلر بولا بیلیر سینیزمـــاراغــــا آذربایجانین پارلاق اؤلدوزو
ّبؤ وبلاگدا ماراغا و آذربایجان حاقیندا بیلگیلر بولا بیلیر سینیزقوجانین گونلری
سلاملار بؤتؤن عزیز وطن داشلاریما آلله دان سیزه جان ساغلیغی آرزی ائدیرم
بو گؤزل شئری سیزلره نیسگیل ائدیرم
بو شئرین یازانی عزیز ماراغالی شائیریمیز استاد احدی دیر
قوجانین گونلری
ائلـلـری باشیندان کؤچـوب گـئـدنـدن
ترلانـی الــیـنـدن اوچــوب گـئـدنـدن
پایـیـز قیـنچالاریـن بـیچـیب گئدندن
عـؤمورباغی تالان اولارقـوجـانـیــن
اوزو گولـمز دویـون دوشردیــلــیـنـه
غــریـب اولاراوبا سـیـنـا ، ائلــیــنــه
بولــبول قــونماز بـوداغــیـنا گـولونه
گـونوـ گـوندن یامان اولار قـوجـانین
آلـیـجی قـوش کـیمین داغـلاری گزن
چرپینان یئل کیـمیـن باغـلاری گـزن
بوسـتانـلار بـزه یـیب تاغلاری گـزن
بـئل أیله نـیب کامان اولارقـوجانیـن
نیسگیللـی احوالـین سوروشان اولماز
دیـندیـریب کؤنـلونو باریشان اولماز
دردیـنـه بـیـرکیمسه قــاریشان اولماز
باشی قارلی دومان اولار قـوجـانـی
گـؤزونـون یاشـیـنی سیلــن تاپیـلما ز
دیلـیـنی آ نلا یـیب بـیـلــن تا پــیـلماز
اوزونه خوش باخـیب گـولـن تاپیلماز
یازی دؤنوب خزان اولارقـوجـانـیـن
آبـیـــردان حـیادان ائـلـــــدن دانیشسا
دردریـن درمــانــی دیـلـــدن دانیشسا
قــیــمـتـی بیـلـیـنـمز لـعـدن دانـیـشسا
دورو سـؤزو هـذیان اولار قـوجـانین
شـیـرین ســؤزلــریـنـین آلانی اولماز
یـوخـلایـیب بـیـریادا سالانـی اولـماز
قـاپـیسیـن تا نیـیـیب چـالانــی اولـماز
نـغــمه لـری فــغـان اولار قـوجانـیـن
جاندان دوشوبدیـلـدن دیـلـه قـالانـدا
قـاش أیلـه نیب گؤزه کؤلگه سالانـدا
اوره ک دولـوب غـم سازینی چالاندا
آیدیـن گونو بوران اولار قـوجـانیـن
مـحـبـبـتی دالـــــــــــدالاردا دیله نــر
قان قاریشیـق یاش گـوزلــــردن الـنر
گاه کـؤزلــره گـاه کــولــونه بـلـه نـر
دونـیالاری وئـران اولار قـوجانـیــن
باغرین یاریب باغ یـئریـنـه درد اکـر
گونده مین یول شیرین جاندان ال چکر
اوزاقـلاردا یار یـولونـا گــؤز تـیکــر
آخیرعـومـرو یالان اولار قــوجانین
اوچکـدیـگـیـم زحـمـتـلـــره یـانـیــرام
«بهزاد» کیمیـن درد اهـلتینی تانیرام
ایـلـدن کـئچـیب گـونلــریمـی سانیرام
یاشاماغـــی گـومان اولار قـوجانـیـن
یاخشیدیر(علی آقا واحدن بیر نیسگیلی شئر)
بیر نفر اهل وفا مین بی‌وفادن یاخشیدیربیر صداقت اهلی مین اهل ریادن یاخشیدیرهانسی گول دیر حسنده سندن گوزه‌ل دیر، سئوگیلیم
هانسی بولبول عشقده من بینوادن یاخشیدیر
قاشلارین چرخین هلالیندن، اوزین خورشیددن
صورتین آیینه‌ی گیتی نمادن یاخشیدیر
بیر داها خالین گوزه‌ل‌لیک آرتیریر رخسارینه
بیر غلط سوزدیر دیمشلر، آغ قارادان یاخشیدیر
گوزلرین صحرای چین آهولریندن دل فریب
عنبرین گیسولرین مشک خطادن یاخشیدیر
صحتی بیمار، عشقین کعبه‌ی کوینده‌دیر
اهل درده خاک راهین توتیادن یاخشیدیر
مین بلا طوفانی، قوپسا، ذره گلمه‌ز عینیمه
رخنه گورمز هر بنا کیم ابتدادن یاخشیدیر
جاهله تبلیغ عرفان ایله‌ملک آسان ده‌گیل
دیده‌ی خفاش ایچون ظلمت ضیادن یاخشیدیر
واحد،انصافاً دیسین تبریزده دوستوم اعتماد
گنجلرده هانسی شاعر «بی‌ریادن» یاخشیدیر
علی آقا واحد
قارقا بولبولون دانیشماسی (استاد کریمی مراغه ایدن)
گؤردو بیر بولبولو قفسده اسیر
قارقا بیر گون ائدیردی گلشنی سئیر
بلکه آزاده پر چالوب دولانا
اؤزونو هی وورور اویان بویانا
ائشیگین عطرینی قفسدن آلیر
بوشلییوب ایستراحتی چابالیر
گلیر شوره، دل یاراسیندان
باخیر سیملرین آراسیندان
ای اولان شاه عشقه بنده عشق
قارقا عرض ائتدی ای پرنده عشق
سنی ارباب ائدوبدو زندانی
ندی تقصیرون ای وفا کانی
سنه جانا، روا دگول زیندان
بو نظافت بو سس بو نوطقو بیان
اََوولی‌ندن بئله اولوب مرسوم
دیدی بولبول که ای پرنده شوم
اولا آزاد کرکس و لشخوار
قالا زینداندا عندلیب و هَزار
قارقاروندان جهانیان منفور
سن کی سرقتده اولموسان مشهور
صابینی تاخجادان آلازلورسان
چؤرگی دسمالیلا جازلورسان
گردکان گورجگین قاپوپ اوچوسان
پنیری سفره‌دن ووروب قاچیسان
داراشیرسان، کی سنده یوخ امساک
شانسووا چیخسا پاک یا ناپاک
مسلکون مذهبون دگول معلوم
طینت‌ون پست و نییت‌ون می شوم
قفس غمده ساخلیوب دی منی
سنی آزاد ائدوب بو چرخ دنی
لیک اؤز باشیما بلادی دیلیم
دوتولان دیللره صفادی دیلیم
بودی جورموم کی خوش سخنرانم
گئجه گوندوز اسیر زندانم
قلم آتشینی قدرتی وار
هرکسین نوطقو وار فصاحتی وار
چئخا زنداندا عاقیبت جانی
گرک اولسون همیشه زیندانی
مجلسی لنگه وورما ایله تمام
ای کریمی ندور بو طول کلام
کریمی مراغه‌ای
استاد کریمی مراغه ای دن (ساقلئ قئمدا منی یاد ائت اخوی)
بیر آیری طنز شئر استاد (کریمی مراغه ای ) دن خدمتوزدییک اومودوم وارکی بو شئر دن هامی عزیزلریم هم لذت آپاراسین و ده کی هامیمیزا بیر یاشام درسی اولسون.....
ساقلئ قئمدا منی یاد ائت اخوی
من اولندن سورا جئرما یَخَوی
ساقلئ قئمدا منی دیندیر دیلیلن
گلمه ترحیمیمه تاج و گولیلن
ساقلئ قئمدا الیوی چک باشیما
یاخما بورنون زئلئغن باش داشیما
تا وارام اوزمه الیمدن، الیوی
نه قرا گیر؛ نه اوزاد سقلووی
قوی یانیئم من سنه سنده منه یان
سن منه جان دی؛ دیگیم من سنه جان
سالالما قبریمه شالوار؛ باقووئ
دایاما بوگرومه س..؛ دا… وئ
دیلیم اولسیدئ بوزاردئم تاقووی
الیم اولسیدئ کسردیم آقووئ
ساقلئ قئمدا قولووی بوگنوما سال
گاهی گاهی بوسولان گونلومی آل
هئش گلیب قبریمه یاد ایتمه منی
باشیما چالما غلط فاتیحه نی
قالاما شمعیله سونقار گو… مه
اولموشم؛ یاخمامئشام بال گو..مه
کاش گورکان قویا قبریمه دلیک
منیله دفن اولا بیر جانلی چلیک
او آداملار کی گلیر فاتیحیه
ساقلئقئمدا منه چیخمازدئ ییگه
اوزادئدیم کفن آتدان چلیگی
زور وئریدیم گنلردی دلیگی
بابا ساقلئ قئدا منیم گول اؤزؤمه
مشتری اول سوزؤمه هم اوزؤمه
منی تشویق ائله طلعت لریله
گونلومی شاد ائله دعوت لرله
نه یالاندان چپی، قه قه لریله
مرسی، احسن، یاشا، به به لریله
ائل گرک قیمت اشعاری بیله
نیه ایراندا گورک شاعیر اوله
صنعت شعری چکیلر فیسادا
دوشدی بازاری فیصاحت کاسادا
بیر غزل کی گلیر عشقیله باشا
کیم آلئر غزلی بیرده باشا
سعدی، حافیظ، بابا طاهر، خیام
سحرین ائتدی ناهار، ناهارسئز اخشاما
کیمدی گیگدی اگنینه قیمتدی قبا
سالمادئ چیگنینه بیر تازه عبا
شهریارین ادی دیللرده گزیر
تازه حیدر بابا اللرده گزیر
بیر کیچیک ائوده گونون وئردی باشا
قالدئ بیر مانقالئ بیر حوقا ماشا
ای خدا وئر بیزه عقل و شعور
شاعری ائلمیک زینده به گور
فضولی دن بیر شئر
اویله سرمستم کی ادراک ائتمزم دونیا نه دیر ؟
من کیمم ، ساقی اولان کیم دیر می وصهبا نه دیر؟
گرچه جاناندان دل شیدا اوچون کام ایسترم
سورسا جانان بیلمزم کام دل شیدا نه دیر؟
وورما زاهد وعدۀ باغ ِ جناندان دم ، کی من
بیخودِ دشت جنونم ، بیلمرم عقبا نه دیر؟
جلوۀ حسنی منی سرمست و بیتاب ائیله دی
حیرتم بو خلقته کیم اوندا نا زیبا نه دیر؟
ائیله دی عشق آتشی ، مسحور حسنین گؤزلرین
گؤرمز اولدوم غیری نین رعنا نه دیر، شهلا نه دیر؟
گر خطا اولدو دیلیمدن عذرومو ائیله قبول
ایندی حالیم بیلمرم یوخو نه دیر ، رویا نه دیر؟
ائیله دی عشق نوری ایله ، گؤزلریم اعما مینیم
آنلامادیم ایندی کیم ، خوشگل نه دیر، زیبا نه دیر؟
بیلمرم قارشیسینا نئجه خطا سوز سؤیله دیم
باخما دی وسورمادی حالیم کی ای رسوا! نه دیر ؟
نه سببدن داد ائدردین بؤیله فریاد ا ئیله دین
کیم؟ سنی ترک ائیله دی ، کیمدن غرض، ایما نه دیر؟
بیر نظر گر آتسا یاریم ، بیر دها گوللر آچار
اول شیرین سوزون یانیندا بولبول گویا نه دیر ؟
نغمه
نغمه
گئنه آرغین گئنه یورغون گئنه بیر غملی اؤره ک
یارالی قوش کیمی چیرپینمادادیر
گینه نیسگیلی اؤره ک یانمادادیر
کؤز گؤز اوسته قالانیر نئیله مه لی
آلیشیر دالغالانیر نئیله مه لی
سرمی نه آتا بیلدی نه آنا
گئدیرم چله خانا-چله خانا
من گرک یار یانان اودلاردا یانام
یار دئیب یار دولانام
نه روا عشقی دانام-من باها نغمه سیم
نغمه آدیم -گلمیشم عشق زلیخا یارادیم
هانی لیلی-هاتنی شیرین
قویام خسرتلی باشی دیزلرینه
بی باخام غمله دولان گؤزلرینه
دئیم عاشیق اودی اودلاردا یانا-
ننه دئیم چله خانا-چله خانا
آذربایجان
آذربایجان
کؤنولوم قوشو قاناد چالماز سنسیز بیرآن، آذربایجان،
خوش گونلرین گئتمیر مودام خیالیمدان، آذربایجان.
سندن اوزاق دوشسم ده من عشقین ایله یاشاییرام،
یارالانمیش قلبیم کیمى، قلبی ویران آذربایجان.
بوتون دونیا بیلیر سنین قودرتینله، دؤولتینله
آباد اولوب، آزاد اولوب مولکی ایران، آذربایجان.
بیسوتونی اینقیلابدا، شیرین- وطن اوچون فرهاد
کولونگ وورموش اؤز باشینا، زامان- زامان، آذربایجان.
وطن عشقی مکتبینده جان وئرمگی اؤیرنمیشیک،
اوستادیمیز دئییب هئچدیر وطنسیز جان، آذربایجان.
قورتارماق چون ظالیملرین الیندن رئی شومشادینی،
اؤز شومشادین باشدان- باشا اولوب آل قان، آذربایجان.
یارب، ندیر بیر بو قدر اورکلری قان ائتمگین،
قولوباغلی قالاجاقدیر نه واختاجان آذربایجان؟
ایگیدلرین ایران اوچون شهید اولوب، عوضینه
درد آلمیسان، غم آلمیسان سن ایراندان، آذربایجان.
اؤولادلارین نه واختا دک ترکی- وطن اولاجاقدیر؟
دور آیاغا، یا آزاد اول، یا تامام یان، آذربایجان.
شهریاریناورییده سنین کی تک یارالیدیر،
ازادلیق دیر منه ملحم، سنه درمان، آذربایجان
عاشیقم - کریمی مراغه ای * طنز شعر
زشت و زیبا (( یاخشی پیس )) ” آتداکی گوزل شعرین آدیدی که بیزیم ایفتخارلی شاعیریمیز آقای حسین کریمی شیرین و ظریف دیلینن بیان ائدیب . بو شعرین اول مصرع لری ظاهیرده خلاف فکرلری یادا گتیریر، اما ایکینجی مصرع لری شعرین مفهومون دئوندررکن شاعرین ذوقون و هنرین عاشقانه زمینه سینده گوستریر
عاشیقم
عاشیقم من عاشیقم ای دلی دیلدار سنه
وئرمیشم طاقتیمی صبریمی ای یار سنه
سئویرم بزم اولا خلوت قویاسان من ائلییم
غمیمی محنتیمی دردیمی ایظهار سنه
گزرم کوچه و بازاری دالین جان سوخارام
پیچاغی قارنینا هر کس ائده آزار سنه
ایستی وقتینده سویونسان سالارام تئز ایچینه
کاسه نین بوز وئره رم شربت گلنار سنه
نیه اوجوندا سیخیرسان ، ازیسن ، سیندیریسان
نئیله ییب آخ بو یازیخ قلب وفادار سنه
سن ییخیل بالش ناز اوسته اوزان منده چالیم
ضرب و قارمان و کمانچه ، ویولن ، تار سنه
ایمه ، شاخ ساخلا یانوندا ، باخوب ، اوپ قوی گؤزونه
بو گوزل عکسی کی مندن قالیر آثار سنه
دوگمه سین آچ آرالا ، ساخلا قویوم اورتاسینا
آلمیشام ساک دولوسی ، حیوا ، لیمو ، نار سنه
نییه « ویه ویه » دییسن اینجیدیری قوی چیخادیم
سیخسا باشماغ ایاقون اولسا اگر دار سنه
دؤز بیر آز بندین آچیم تا وئریم الان الیوه
چتریوی وئرمیه زحمت ، بو یاغیش قار سنه
گله سن باغدا وئرم بیر الیوه اویناداسان
قیرمیزی آلما ، شمامه گولی بی خار سنه
گل اوتی دیممه دانیشما نئجه توتسان گئچه جک
دئمه خاطیر قویاجاخ چرخ جفاکار سنه
گل اوتی قوزا قیچین گیدیریم ای یار عزیز
قره دون آبی بولوز قیرمیزی شالوار سنه
احتراماً دایارام آغزینا تا سن سوراسان
سولی قلیانی ، تا کریمی دئیه اشعار سنه
استاد کریمی مراغه ای(ماراغانین طنز دئین شاعیری)
بیر گؤزل شعر استاد شهریاردان (لاتین جه یازیلیب)
Naz eyləmisən
Çoxlar incikdi ki sən onlara naz eyləmisən
Məndə incik ki mənim nazımı az eyləmisən
Etmisən nazı bu viranə könüldə sultan
Evin abad ola dərvişə niyaz eyləmisən
Hər baxışda çalısan kipriyi mizrab kimi
Bir qulaq ver bu sınıq qəlbi nə saz eyləmisən
ادامه مطلب ...
بیر نئچه شئر
*فیکرت صادق
قورخورسان...
دره‌دن دانیشیرام قورخورسان
"دره‌نین دومانی وار, سئلی وار"
داغدان دانیشیرام قورخورسان
" داغین اوچورومی وار , قاری وار"
دره بیر یانا,
داغ بیر یانا,
یاشایشداندا دانیشیرام قورخورسان
اؤزون بیل , قارداش!
آمما آغیر درد دیر قورخوب یاشاماق!
*عقیل آذردخت
دیل ...
دیل وارلیق هویتدی بونی دویمالییق بیز
ناموسدی بلی, ناموسا جان وئر‌ملییق بیز
رنگین دئیشیب دیل ساتانین ارزشی اولماز
بنزر کسیلن بیر خولا دای کؤک سالا بیلمز
هر کیمسه دیلین آتسا دینینده آتاجاقدیر
ناموسسوز اولوب خوار اولاجاقدیر , باتاجاقدیر
دیل ناموسوم ائل غیرتیم اولکم شرفیمدیر
هر تک تکینه وئرمگه جانیم هدفیمدیر
* ح.م.ساوالان
نییه منه پان دئدین؟
من دیلیمدن دانیشدیم
اونو منه دان دئدین
من ائلیم‌دن دانیشدیم
من جواب قان دئدین
آرخاندا من دایاندیم
اؤزگه‌لره جان دئدین
سوردوم چارا دردیمه
درمان اوچون یان دئدین
حاق سؤز دئمک ایسته‌دیم
خوروز کیمی بان دئدین
سئودیم آخیر یوردومو
نیه منه پان دئدین؟
*پروفسور حمید نطقی
کیملیگیم...
هله ده آدیمی چکه‌بیلمیرم
هله‌ده کیملیگیم
قیرخ قات بو‌خچادا
اووسونلارلا دویونلو
گیزلین ساخلانیر
هله ده قارداشیم برکه‌دوشنده
اؤزوندن اوتانیر
اصلینی دانیر!!
*عاشیق اولدوز
توت الیمدن آپارمنی تبریزه ....
قسمت اولوب بو گون قوناق گلمیشم ,
توت الیمدن آپار منی تبریزه
بو گوروش, بو میثال گلمه‌سین بیزه
توت الیمدن آپار منی تبریزه
آیلا چیخیم گون‌له شفق ساچیم
دورنا کیمین ائلدن- ائله اوچوم
ده ده شهریاردان صحبت آچیم من
توت الیمدن آپار منی تبریزه
لپه‌له نیم آرازی ایله آخیم من
قارتال اولوم ساوالاندان باخیم من
هیجران قالاسینی سوکوم ییخیم من
توت الیمدن آپار منی تبریزه عینی دیلده اؤتن دیللریمیز وار
آراز لا بیر له‌شن سئللریمیز وار
تبریز له باکی تک ائللریمیز وار
توت الیمدن آپار منی تبریزه
" اولدوز" دیله‌ر هئچ‌کس ائلدن کؤچمه‌سین
بیرجه قوش‌دا یووواسیندان اوچما‌سین
اوغلوم, قیزیم یادلارا ال آچماسین
توت الیمدن آپار منی تبریزه
* پروفسور صبری تبریزی
منلیگیم...
گون منیم
دریا منیم
تامام دونیالار منیم.
آمما گونومو آلدیلار
آیی مندن آیری سالدیلار
دریانی‌دا
دونیانی دا قوپاردیلار
چون آنادیلیمی آلدیلار
آمما گونو, آیی, دریالاری
تامام دونیالاری
روحومدا یاراتدیم
محبسه سالینمیش دیلیمی
آزاد اولماق اوچون یاشاتدیم.
سهراب طاهیر
گئدیرم...
بیر آخشام سن منى قوناق ساخلادین
یارامى یارانلا یویوب باغلادین
منیم گؤزلریمله بعضن آغلادین
قویمادین گؤزلریم دولا قارداشیم
تویونا گلمیشم٬ هر یئر خونچادیر
بوش الیم بوکولموش٬ قانلى غونچادیر
بیرجه اوره ییم وار٬ پارچا پارچادیر
او سنه چاتاجاق٬ آلا! قارداشیم.
اوره ییم شیشه دیر٬ اوره ییم حلیم
کیم اونو ایکی یه بؤلدو٬ نه بیلیم
آل٬ او چیلیک چیلیک٬ او دیلیم دیلیم
اونو بیر بیرینه جالا٬ قارداشیم!
دره لر کئچه ره م٬ داغلار کئچه ره م
اؤزومه آلوودان پالتار بیچه ره م
ظولمتى اریدیب سئل سئل ایچه ره م
قویمارام ائل داردا قالا٬ قارداشیم
من سؤهراب طاهیرم٬ نه لازیم اؤیود؟
بیرجه اوغلوم قالیب٬ اونو سن بؤیود!
گئدیره م جبهه یه٬ سیلاحیم اومید
قالماییم قارداشدان دالا٬ قارداشیم
تؤرکی شئر
حیاتین
بیر آمان سیز قانونی وار ... تعصوب سیز میلت گرک خوار اولسون...بولود قاراچورلو
نیه گرگ اوز دیلینی اتا تورک
اوز دیلینه اوزگه دیلی قاتا تورک
نه گهدر اتسادا اغریم ازاریم
گهنهده اد اچیب قالجییام من
بابک اولادییام نبی نسلی یم
یاغینی تختینن یالاجییام من
اخی اذر بایجان بالاسییام من
یاغیلار من اوچون ورسه لر زحمت
ساتغیننار یاغیلار ویر سالار منت
گره دیر گور سه دم شانلی لیاقت
بابکین سینمییان قالاسییام من
اغی اذر بایجان بالاسییام من
تورک اودو کی انا دیلین اتماسین
یاد دیله رین گولگه سینده یاتماسین
اذر بایجان اولکه سینی ساتماسین
انضاف ده ییل بابک یوردو ساتیلسین
تورک دیلینه باشقا دیللر قاتیلسین
اذر بایجان ستار خانلار وریبدیر
کور اوغلوتک قهرمانلار وریبدیر
حق اوستونده چوغلو قانلار وریبدیر
انصاف دییل اودلار یوردو ساتیلسین
تورک دیلینه باشقا دیللر ساتیلسین
آذربایجان سسی
آذربایجان سسی
کونلوم ایستیر گلسین هر یاندان آذربایجان سسی
سسله ننده جان باغیشلیر جانلارا جانان سسی
ایلقارا آند ایچمیشیک بیز، اولدو واردیر دوندو یوخ
تا آذربایجانلی وار باتماز آذربایجان سسی
ایندی یوخ دعواسی ایرانیله تورانین داها
قورخودا افراسیابی رستم دستان سسی!!
ایندی هر دیلده هر آیینده بشر صلح آختاریر
خلقه خوش گلمیر داها شمشیر سسی قالخان سسی
ایسته مز فردوسی شاهلاردان بیزه داستان دئسین
ایندی خلق ایستیر کسیلسین هاردا وار سلطان سسی
ایندی آزادلیق یولوندا قهرمانلار جان وئریر
کار ائده ر مخلوقی چیخسا بیر بئله قوربان سسی
سانما ستارخان یاتیبدیر قورخودان سسلر باتیب
ایندی ستارخان ائلینده چوخدو ستارخان سسی
قلعه سینده بابکین سس باتماییبدیر ایندیده
واردی دائیم بابکیله باغلانان پیمان سسی
تولکو اصلان اولمایان یئرده اوزون سلطان بیلیر
الفرار ائیله ر اوزاقدان دینله سه اصلان سسی
قوربانام آنجاقکی آذربایجانین جانیندا
چونکی اوندا آذر و بایدا سونرا واردیر جان سسی
موسیقی آلتلریندن جوربه جور سسلر چیخیر
شور سسی، زابل سسی، شیراز و دشتستان سسی
سانکی قارمان دیل آچاندا اوز دیلیمده دیل آچیب
دیلله ننده روحوما لای- لای دئییر قارمان سسی
سورتوشور آرشا کمانه توققوشور مضراب تارا
گه اولور صحبت وصالدان گاه گلیر هجران سسی
لزگی رقصی باشلاناندا ناغارالار فریاد ائدیر
شاپپالار ده یدیکجه گومبولدور گلیر طوفان سسی
هر زمان کر دسته سی برنامه سین اجرا ائدیر
بولبولی حیران ائدیر قیز سسی اوغلان سسی
بو گوزللیکده ((سخا)) انصاف دئییل سسلر باتا
تا آذربایجانلی وار باتماز آذربایجان سسی
گئچه جک بیزیم دیر گله جک بیزیم
بیر زامان بو ائلدن دومرول تک ارلر
بیر زامان جوان شیر ، آردینجا بابک
بو ائلین ، بو یوردون دوشما نلارینا
گوریلاییب ،شاخیبلار ایلدیریملار تک
کور اوغلو نعره سی هله قولاقدا
جینگیلدیر خانلاری اولدورون دییه
ستار خان باش اوجا دیله ییر اولوم
ذلّتله قالماغا سوئله ییر نیه
قوچ نبی قوسدوروب قان ، یاغی لارا
قاز دیریب آزادلیق آدین دیللره
نیگار لار ـ هجر لر ـ زینب پاشا لار
سویکه نیب تاریخده چنلی بئلره
بیزیم ائل چوخ یئتیب قوچاقلار ، ارلر
قورخولو قورخویا ، قورخو سالانلار
ظلماتلار اونونده گئجه ایله ، یاریش
قیزیل تئل گونش دن ، بایراق آلانلار
ایندیسه بیزلره گرکدیر گره ک
قورو یاق بو ائلین امگین هر آن
سیلدیره ک بو ائلدن بو ئو لکه میز دن
بو غو لموش چن ایله ، تو تو لموش دومان
قوزانا گره کدیر کور اوغلو سسی
اوزان لار دوشونده بسله نن سازدان
نبی نین آت اوسته هی ووران سسی
دینله نه بسته لی موغام آوازدان
بابکین قیلینجی آذر بایجانین
یوکسه لدیب آدینی یازدی دو نیادا
ایندی نین قیلینجی قانلی قلم دیر
گره کدیر قلملر گلسین فریادا
بو چاغدا بیزیم ائل بیلیک بیلمه لی
گئچمیشین بسله ییب صاباحین دویسون
گئچه جک بیزیم دیر گله جک بیزیم
ائل بونا اوره گده ایناملا اویسون
یازان: حیدر والی
آنا دیلیم گؤزلدی
آنا دیلیم گؤزلدی
دولوب محببتون ای شوخ و دلستان دیلیمه آلیب قراریمی الدن وئریب توان دیلیمه
کمان قاشون، گؤزون، اوخ کیپریگون، ساچین گؤزه لیم آتیر کمند، چکیر یای گئدیر نشان دیلیمه
آلاولی سینه مین آهی وجودیمی کول ائدر اگر سو سپمسه بو چشم خونفشان دیلیمه
یوخومدو چاره دایاننام همیشه چم خمیوه ولی باتیرمیاسان طعنیله تیکان دیلیمه
گتیر جمالیوی قوی سینمه قادان جانیما سرین سرین نفسونله سو سپ یانان دیلیمه
نه قدری گیزله دیرم درد عشقی سینه مده دیلیمده جوشه گلیر غم اولور روان دیلیمه
می الستله مستم نه آبدستله پست کی دگمه ییب الیمه جام و استکان دیلیمه
آنا دیلیم ائله شیریندی جاندان ایسته ملی آچاندا من دیل آنام چوخ دئییبدی جان دیلیمه
دیلیم شیریندی عسلدن اودور کی غم یئمه رم اگر وورا آریلار نیش هر زامان دیلیمه
منم او ترک، کی آدیم غزللرین دوزودو من آذر اوغلویام آذر وئریبدی جان دیلیمه
منم او ترک، بخارئیله سمرقندی باغیشلاییبلا قرا خالیمه ماتان دیلیمه
منم او ترک، کی غربتده اللی ایل یاشارام تجاوز ائیله مز اهواز و اصفهان دیلیمه
منم او ترک، کی دالدان چیخاردارام دیلینی قاهاررام انگینی هر کیم دیسه یامان دیلیمه
منم او ترک، سوزوم جمله سوزلرین گوزیدو سوزوم اوزوم کیمی دوز، باغلاما یالان دیلیمه
دیلین فضیلتی یوخدور ملاک تقوادی گئد اوز کمالیوه گول گولمه ای فلان دیلیمه
یقول اکرمکم عند ربّی اتقاکم قویوب پیمبر اکرم گوزل بیان دیلیمه
همیشه امر به معروف دور منیم هدفیم اگر کومک لیق ائده حیّ لامکان دیلیمه
منافقه دئیرم ال گوتور بو تفرقه دن گولوب محاسینیمه یازما داستان دیلیمه
گلین وئره ک ال اله دشمنین قازاق کوکونو یئتیرمه زهریلی عقرب کیمی زیان دیلیمه
“کریمی” ام دیلیمی رایج زامان ائده رم توجّه ائتسه آقام صاحب الزّمان دیلیمه
شئر : استاد کریمی مراغه ای
کونلوم
کونلوم
گلوبدور تنگه ای ظالم ، ستمله قان اولان کونلوم
همیشه باغ وصلینده ، گولوب خندان اولان کونلوم
دوشوب مجنون کیمی ، صحرایه بیر لیلی فراقیندا
بوتون عاشقلر ایچره ، منبع عرفان اولان کونلوم
نه اولدو بیلمه دیم دوشدو ، جدا گولزار کویوندان
همیشه خوان وصلین بزمینه ، مهمان اولان کونلوم
کیمه بیلمم ، گئدیب اظهار قیلسین محنت عشقین
دؤنوبدور قانه هجرینده غمی پنهان اولان کونلوم
نه چاره ائیله سین ، بیلمم خلاص ائتسین اوزون غمدن
اسیر محنت و پا بسته هجران اولان کونلوم
اولورمی بیر زمان خرم ، یئتیشسه وصل جانانه
غم هجرینله افغانلار چکیب ، گریان اولان کونلوم
منم فرهاد ! عصرین سئودیگی { واحد } گوزللر دیر
اودور کی لاله داغین گؤستریر ، ویران اولان کونلوم
علی آقا واحد
شعر استاد قاراچورلو در مورد جان اشتاین بک
بولوت قاراچورلو سهند:
( جان اشتایین‌بکه )
حییفسیله‌نیرم، او گونلریمه،
خیرسیز بیر نامرده آلدانماغیما
او،اینسان آدینی اوغورلیانین
تزویر کارلیغینا توولانماغیما.
آز دگیل، 20 ایل، من بو نامردی،
بیراینسان تانییب، تانیتدیرمیشام.
بیر چوخ اؤزومدن‌ده ساده‌لرینه،
بوتون یازدیقلارین اوخوتدورموشام.
سن دئمه، دئینلر دئدیگی کیمی،
بؤیوک محک ایمیش‌اینسانا زامان.
شله‌نه قدرده قابا اولسایمیش،
آخیرسی کئچرمیش ایپ دوواناقدان.
دونیانین غریبه اویونلاری وار
اینسان دا بو قدر تئز آلدانارمیش؟
بو آلدانماق دگیل، ساتیلقانلیقدیر،
اشتایین‌بکی‌ده آلماق اولارمیش؟
بازار چوخ قیزغیندیر یئنی دونیادا،
وجدان‌دا بیر ماتاح کیمی ساتیلیر.
بیر اووج دولارا، بیر اووج پولا،
شرفین، ناموسون داشی آتیلیر.
«غضب سالخیملارین» یارادان اللر،
غضب اوردوسونا توپ‌دا آتارمیش.
فاشیزم علیهینه یازان قلملر
اله‌نیب-دولانیب فاشیست اولارمیش.
بوگون ویتناما سوخولانلارین،
فاشیست اوردوسیله فرقی هاردادیر؟
اودااینسان قانی ایچیردی، بو دا
باخسان همان آشدیر، همان کاسادیر.
بو قودوزلوقلارا قارشی دونیادا،
اعتراض سسلری گؤیه گئدرکن
«سارت»لار، «راسل»لر محکمه قوروب
اینسان جلادلارین محکوم ائدرکن،
ماسقالی بر یانکی، آخماق بیر کابوی،
وار-یوخون اوتوز، وجدانین ساتیر.
مظلوم و مبارز بیر خلقه قارشی
شرفین گلوله ائیله‌ییر، آتیر.
ویتنامدا چوخ توپلار آتیلیر هر گون
سنده آت توپونو، گلسین، «قهرمان»
بلی، ذاتی قیریق بیر «ضیالییا»
شرفلی یاشاماق دگیلدیر آسان.
ایندییه قدر هئچ فیکیرلشمیسن،
ویتنامدا نه گزیب، نه آختاریردین؟
ماشانی چکرکن هئچ بیر دوشوندون
کیملرین اوستونه آتش آچیردین؟
قلم-توپ، اریمیش قورشون مرکب،
کاغاذ بیر حق سئوراینسان سینه‌سی.
یاز، «بؤیوک محرر» اسیرگمه، یاز:
جان اشتایین بکین آخر سوژه‌سی.
یاز، قوی شیطانلارین بارگاهیندا
کئچمیشینین اوستون اؤرتسون بولکه
یاز، قوی باش اگدیگین یئنی تانریلار
«اسکی گناهیندان» گؤز اؤرتسون، بلکه!
***
ویتنامدا چوخ توپلار آتیلیر هر گون
سنده آت توپونو، گلسین، «قهرمان»
بلی، ذاتی قیریق بیر «ضیالییا»
شرفلی یاشاماق دگیلدیر آسان.
آت گلسین، توپوندان چیخان گولله‌لر،
تکجه ویتناملینی قیریب اؤلدورمور.
حیاتین ماراقلی سیناقلاری وار،
اونلارلا «اشتایین بک»لرده اؤلور.
باخما، هله نفس چکیرسن ساتقین
اؤلوم، تکجه دگیل، نفس چکمه‌مک
چوخلار نفس چکمیر، یاشاییر، اما،
چوخلار نفس چکیر، اؤلودور-دئمک.
شعری از استاد احدی(حسرت)
سولان قینچام
سـنـسـیـز بـــو گلـسـتــان ایـله ویـــــرانـه قـالـیـب
سونوب عشقیم، اوجاغیم ،محنت وغمخانه قـالـیـب
مـرغ عـشـقی کـه مـنـیم هـمـدم وهـم رازیـمــیدی
بـیـر حکایـتـدی دوشــوب دیللره دسـتـانـه قـالـیـب
قـؤمریلارشـاخه ده فـریاد ائلیـیر بـاغ نـئجه اولوب
باغبان هاردادی بـــس باغ باغ نیه ویرانه قـالـیـب
نـــه سـبب وار کـــه صـبا چـؤللره بـیگانه اولوب
نـغـمه و قـول و غَـزل جمله سی افـسـانـه قـالـیـب
نـــــــه بـهـاردان اثـری وار نــه شـقـایـق بـزنـیـر
او یـاشـیـل دونـلـو چـمـنـلر قورو غمخانه قـالـیـب
نـه آچیر باش صونـالار دورنا نـه داغلاردا گزیر
آغـاریـب سـاچـلاری داغـلار دلـی دیوانه قـالـیـب
نــه نـَسیملـَر قـــدحی ســـوســـن و مــیـنادن آلـیـر
نـه قـالـیـب خـَرمـن گـیـسـو نـده کی شانه قـالـیـب
نه چالیر سیزقی سولار نی کیمی خوش ناله لرین
نـه یـانـاغـلاردا آچـیـر قـیـنچـا نـه پـروانه قـالـیـب
نــه قـالیب عاشق دلداده نـه مـعـشـوق و نـه عشق
نـه سـَبـو واردی نـه سـاغـر نـده پـیـمـانـه قـالـیـب
اَل گؤتورمور بـو فلک گؤرنجه مَـنلن دوروشوب
حاصل عؤمریم اولوب بیرجه اوچوخ لانـه قـالـیـب
منیم عـؤمریم سـنـیـلـن آشـدی جاوانـلـیق جاداسین
بــو خـزان چـاغـلاریـمـا بـیـر دل دیـوانـه قـالـیـب
ســن منی تــرک ائـدَنی عـالمی تـرک ایـلـمـیـشـم
مـسـجـد ودیــــر و کلـیـسـا مـنـه بـیـگـانـه قـالـیـب
یـؤواسـیز قوش کمی حسرت هارا گئدسین
گـزمـیـشـم هر یانــی گـر اولسادامـیـخـانه قـالـیـب
اولــمادی عـرش بـریـنـدن مـنـه بـیـر چـاره قیلان
بـیـر سـبـب وارکــه اودا خالـق سـبـحـانـه قـالـیـب
